Një video amatore tregon momentin e neutralizimit të një të dyshuari për terrorizëm paraditen e sotme në lagjen Sharbek të Brukselit. Forcat policore e plagosën në këmbë teksa terroristi kishte marrë peng një grua dhe po përpiqej të largohej. I arrestuari është Mohamed Abrini, personi që dyshohet se ka nxjerrë nga Parisi Salah Abdeslam pas masakrës me qindra të vrarë. Ai kishte me vete një çantë ky dyshohet se mbante eksploziv. Abrini është një prej 10 të arrestuarve në tre vende të Europës.
schaerbeek meiser vers 13h, 25/ 03/ 2016 pic.twitter.com/fBhUSVUXtv
— makiona david (@makionagisa) March 25, 2016
Shtatë u arrestuan në Bruksel, një në Paris dhe dy të tjerë në Gjermani, ndërkohë që vazhdojnë hetimet për sulmet në kryeqytetin e Belgjikës, ku humbën jetën 31 persona. Në afërsi të Parisit u arrestua një person, i dyshuar për organizimin e një sulmi. Ministri i Brendshëm Bernard Kaznëv (Bernard Cazeneuve) tha se ai është 34 – vjeçari Reda Kriket, i dënuar në mungesë nga një gjykatë në Bruksel, vitin e kaluar, me akuzën e rekrutimit të anëtarëve të rinj të Shtetit Islamik. Ai ishte dënuar bashkë me Abdelhamid Abaud, organizatori kryesor i sulmeve të Parisit. Sekretari amerikan i Shtetit, Xhon Kerri që ndodhet në Bruksel, tha se Shteti Islamik do të shkatërrohet. Ai i shprehu ngushëllimet Kryeministrit Sharl Mishel, duke thënë: “Je suis Bruxellois”, “Unë jam Brukselian”.
schaerbeek meiser vers 13h, 25/ 03/ 2016 pic.twitter.com/nupcMcSC5L
— makiona david (@makionagisa) March 25, 2016
