Forcat e sigurisë turke thanë se ishte grua, autorja e sulmit kamikaz në Ankara.
Zyrtarë turq, që kërkuan mbrojtjen e identitetit deklaruan se ajo ishte nga qyteti i Karsit dhe i ishte bashkuar, Partisë së Punëtorëve të Kurdistanit në vitin 2003.
Sicc raportojnë mediat turke, lidhur me ngjarjen në kryeqytetin turk u arrestuan katër persona, në qytetin juglindor të Sanliurfas, ku besohet është marrë edhe makina që u hodh në erë, pranë stacionit të autobuzit, në Parkun Gyven në lagjen Kizilai. Të paktën 37 persona humbën jetën ndërsa u plagosën 100 të tjerë.
Megjithëse deri tani asnjë grup nuk ka marrë përsiper sulmin, burime të qeverisë turke dyshojnë se autorët vijnë nga PKK.
Pas sulmit në Ankara presidenti turk, Rexhep Taip Erdoan tha se “do të gjunjëzojë terroristet” dhe në vijim të deklaratës së tij avionët turq vunë në shenjestër rebelët kurdë të PKK-së në Irak.
Të paktën 11 avionë ushtarakë bombarduan 18 shenjestra, përfshirë depo municionesh dhe vendstrehime. /Tv Klan
