Çfarë do bëjë Opozita nesër në Parlament?

Kur ka mbetur edhe një ditë nga protesta e radhës e Opozitës, kreu I Partisë Demokratike, Lulzim Basha, premtoi se e nesërmja nuk do të jetë ditë e zakonshme proteste. Madje tha, duke iu referuar buxhetit të sjellë nga qeveria, se ky do të jetë buxheti i fundit i qeverisë. Por çfarë do të thotë Basha me këtë kërcënim? A po përgatitet opozita të rrëzojë qeverinë? Çfarë do të ndodhë ditën e neserme në parlament? A do të ketë një nismë si ajo e opozitës në Kosovë? A do të ketë bllokim të rrugëve deri në realizimin e qëllimit? Janë këto pyetjet që opozita pritet tu japë përgjigje nesër dhe në vazhdim, ku do të shikohet edhe se sa rezultative do të jenë protestat e saj dhe ndikimi që do të kenë në lëvizjet politike dhe shoqërore në vend.