TIRANË- Ish-kryeministri, Sali Berisha është duke zhvilluar një bashkëbisedim me gazetarët një ditë para protestës së PD. Ai ka sqaruar pozicionin e tij lidhur me akuzat që i bëri Edi Rama dje për dekoratat e persekutorëve.
“Statusi i veteranit nuk ka të bëjë me asnjë emër konkret. Ai njeh pjesëmarrjen në luftë, të gjithë atij grupi të gjerë që në fakt u fry dhe u stërfry në mënyrën më monstruoze dhe me mashtrim saqë sot ju gjeni me status veteran dhe qytetarë që kanë lindur në vitin 1948.
Ligji rikonfirmon njohjen e statusit për pjesëmarrësit në luftë, por nuk jep asnjë dekoratë, nuk njeh asnjë imunitet.
Sali Berisha miratoi rezolutën dhe ligjin me te cilin dënon Enver Hoxhën e zhvesh atë nga çdo atribut, Edi Rama në mbështetje të xhelatëve të regjimit komunist miratoi ligjin e hapjes së dosjeve, me të cilin asnjëri prej këtyre kriminelëve nuk u ndalohet ushtrimi i funksioneve me të larta të shtetit, përfshi atë të kryeministrit apo presidentit.
Po kështu, Edi Rama në 24 vite pluralizëm është i vetmi kryeministër i cili do të përkujtonte 70 vjetorin e çlirimit të vendit në varrezat e dëshmorëve me portrete të Enver Hoxhës, dhe do ti shpërndante këto portrete ne mbarë botën në Facebookun e tij.
Nuk ja bëri Sali Berisha, e beri Edi Rama për krenarinë e tij që ndjen ndaj atit të tij shpirtëror.”
“Rama shkoi në Shkodër, i shoqëruar në krahun e majtë dhe të djathtë nga dy pinjollët e dy ekzekutorëve më kryesorë të Shkodrës Beqajn dhe Bushatin. Normali mban përgjegjësi, i sëmuri nuk ka asnjë përgjegjësi”, u shpreh ish-kryeministri.
Bashkebisedimi i Berishës me gazetarët po vazhdon…
