Look-u dhe pamja e jashtme është shumë i rëndësishme për personazhet publik, e veçanërisht për politikanët. Ka shumë politikanë që vishen jo vetëm mirë, por që kanë një stil të çuditshëm dhe të veçantë, e që detyrimisht tërheqin gjithnjë vëmendje.
Edi Rama
Qëkur u zgjodh Ministër Kulture, Edi Rama dalloi për veshjet e tij të çuditshme. Çorapet me ngjyra, kollaret apo edhe çitjanet e tij, e bënin të dukej shumë snob dhe “trendy”. Edhe gjatë fushatave elektorale kombinimet e Kryeministrit kanë qenë nga më çuditshmet, duke filluar që nga kravatat me papagall, te atletet që mban veshur në seancë plenare apo edhe me bluzat e stampuara me personazhe filmash të animuar. Mos ndoshta Rama kërkon të ngjajë pak më i ri?!
Eduart Ndocaj
Deputeti më i ri i Parlamentit të Shqipërisë, Eduart Ndocaj është komentuar jo vetëm në mediat sociale, por nga të gjithë përsa i përket veshjes së tij. Deputeti kaubojs i Lezhës, nuk ndan asnjëherë kapelen që fitoi në një luftë gjelash, nga kostumet e tij serioze. Përpos statuseve dhe shënimeve që publikon në rrjetin e tij të preferuar Facebook, edhe aksesorët që përzgjedhë e kanë bërë më të veçantë dhe të komentuar.
Xhelal Mziu
Kryetari i Bashkisë së Kamzës, Xhelal Mziu vishet edhe serioz edhe sportiv. Gjatë takimeve elektorale me banorët e zonës, Mziu hiqte kostumin dhe kollaren dhe shfaqej i veshur me xhupa prej lekurë gjarpri, bluza me figura, që nuk kaluan pa u venë re nga mediat. Këtë stil të të veshurit Mziu e mikson e përdor shumë shpesh.
Laura Vorpsi
Shikojeni pak si ka qenë Laura Vorpsi, përpara se të bëhej zëdhënëse e Partisë Demokratike. T-shirtet me shprehje shumë provokuese kanë qenë ato, që ka preferuar brunia bukuroshe e Selisë Blu. Tani Laura ka ndryshuar tërësisht stil dhe shfaqet elegante, shik e gjithnjë me flokë të lëshuara. Kur këto bluza me “kukulla” i veshë Kryeministri, ç’të keqe ka ti vesh edhe Laura ndonjëherë.
Majlinda Bregu
Stiliste të ndryshme në Shqipëri e kanë cilësuar gjithnjë si një përfaqësuese të denjë të stilit “Coco-Chanel”. Ajo që të bën çudi tek deputetja e PD-së, Majlinda Bregu është fakti që ajo nuk vishet kurrë njëlloj. Si një politikane me shumë shije, Majlinda Bregu tregon një kujdes tejet të veçantë për pamjen e saj. Atë e sheh të kuruar si në daljet e saj publike ashtu edhe në përditshmëri.
