Në emisionin “Opinion” gazetari i Tv Klan Merin Maçi ka dhënë detaje në lidhje me ngjarjen, për autorin si dhe për personat që u qëlluan me armë në atentatin e ndodhur në qendër të Shkodrës.
Maçi ka dhënë detaje në lidhje me profilin e Erogen Vasos, i cili dyshohet se ishte objektivi i atentatit të mëngjesit të së hënës.
“Përpara vitit 2018, kohë kur në Shkodër ka pasur një seri ngjarjesh kriminale, ky person është hetuar për gjobvënie. Por, në vitin 2018, kur në Shkodër u realizuan disa ngjarje të rënda kriminale, e mes tyre ishte ajo e Arian Feracakut, në këtë qytet, nisi një procedim penal, ku u verifikuan disa anëtarë të grupit kriminal Bajri, mes të cilëve dhe E.V., në banesën e së cilit u sekuestruan fishekë, për të cilat ai kreu rreth 30 ditë burg. Ai ka një jetë mes botës së krimit, për shkak të lidhjeve kriminale, qoftë si pjesë e fisit Bajri, por edhe për shkak të vëllait të tij, Denis Bajroviç, një person i cili në sajë të operacionit “Metamorfoza”, u evidentua si një nga vrasësit e këtij gripi, i cili kishte kryer ekzekutimin e Boriçit në 2020”,- tha gazetari.
Gazetari shpjegon edhe se si Vaso arriti t’u shpëtoj plumbave në atentatin e sotëm.
Në momentet që ai është futur në ambientet e lokalit, në pjesën e jashtme ku ndodheshin tre personat e dëmtuar, dy prej të cilëve fatkeqësisht humbën jetën, E.V., ka qenë me shikimin nga pjesa e rrugës dhe ka shquar menjëherë autorin dhe është larguar me shpejtësi. Ndërkohë, dy viktimat ishin me kurriz dhe largimi i tyre ka qenë më i ngadalshëm”, tha Maçi.
