Ka përfunduar pas një ore biseda telefonike mes presidentit amerikan Donald Trump dhe atij rus Vladimir Putin.
Në bisedën e gjashtë telefonike mes dy liderëve, janë bërë të qarta qëllimet “për të gjetur një zgjidhje të negociuar” për luftën në Ukrainë.
Sipas zyrtarit të Kremlinit, Yuri Ushakov, Putini ka përsëritur se Rusia është e përkushtuar për “ta përmbushur objektivin e saj për eliminimin e shkaqeve rrënjësore të konfliktit në Ukrainë” dhe se “s’do të tërhiqet nga plani i saj”.
Krahas kësaj, qëndrimi i Rusisë vazhdon të mbesë se bisedimet për paqen duhet të “zhvillohen vetëm ndërmjet Moskës dhe Kievit”.
Që të dy liderët kanë biseduar gjithashtu për Iranin dhe rajonin e Lindjes së Mesme në përgjithësi. Po ashtu, ata janë pajtuar se do të vazhdojnë diskutimet në të ardhmen e afërt.
