Ky fillim vere i gjen rrugët e Pogradecit me vizitorë të shumë. Ndër ta nuk mungojnë të huajt të cilët qyteti buzë liqenit të Ohrit ja ka dalë t`i bëjë për vete me natyrën, qetësinë, mikpritjen dhe çmimet e përshtatshme. Vizitorët që shkelin për herë të parë premtojnë se do të kthehen sërish.
“Ne vijmë nga Austria, po e shijojmë shumë pamjen e liqenin të Ohrit dhe malet përreth. Është një vend i mrekullueshëm për të qëndruar. Kjo është hera jonë e dytë në Shqipëri dhe hera e pare ne Pogradec. Do rë rikthehemi me siguri, ndoshta këtë vjeshtë”, shprehet një turist.
“Ka shumë dyqane, njerëz që shëtisin, atmosfera pranë liqenit është fantastike. Çmimet janë shumë të mira. Unë do të kthehem sërish”, thotë një tjetër turiste.
Për kureshtarët Pogradeci ofron më shumë se Liqenin. Mundësitë për të eksploruar natyrën dhe historinë janë të shumta.
Destinacione të prefeuara vijojnë të mbeten fshatrat turistikë të Linit dhe Tushemishit. Aty vizitorët mund gjejnë ushqimet tradicionale të juglindjes.
Zyrtarisht sezoni u çel këtë fundjave edhe pse Pogradeci ka mirëpritur vizitorë nga anë e kënd botës në çdo ditë e stinë të vitit.
Të dhënat e prenotimeve nga agjencitë turistike tregojnë se edhe këtë vit sezoni turistik në Pogradec do të jetë i mbarë, por sfidë e përvitshme për institucionet vijon të mbetet krijimi i mundësive për një turizëm të qëndrueshëm dhe gjithëvjetor.
