‘Giro d’Italia’ po vijon të shtunën e 10 majit me Etapën e Dytë në Tiranë për edicionin e 108-të të këtij eventi. Ka qenë kryeministri Rama që ka bërë edhe valëvitjen e flamurit për nisjen e çiklistit të parë në orën 13:25 nga sheshi ‘Skënderbej’.
Kryeministri Rama ka qenë i shoqëruar nga i biri, Zaho, ministrja e Arsimit dhe Sportit, Ogerta Manastirliu, si edhe nënkryetarja e Bashkisë Tiranë, Anuela Ristani.
Etapa e dytë e ‘Giro d’Italia’, një garë kohore tërësisht urbane që zhvillohet përgjatë rrugëve të gjera të Tiranës të lidhura me kthesa U. Në pjesën qendrore, një ngjitje e shkurtër për në Sauk klasifikohet si ‘ngjitje malore’ (matja e ndërmjetme ndodhet në të njëjtin pozicion). 2 km e fundit që përkojnë me etapën e ditës së mëparshme. 3 km e fundit e sheshtë. 500 metrat e fundit janë të drejta dhe krejtësisht të sheshta mbi asfalt me gjerësi 8 metra.
Gara nis nga Sheshi “Skënderbej” rreth orës 13:55, në drejtim të Bulevardit “Gjergj Fishta”, në rrugën “Muhamed Gjollesha”, pastaj nëpërmjet Bulevardit “Bajram Curri” drejt sheshit “Nënë Tereza”, në Rrugën e “Elbasanit” drejt Saukut, rikthehen në Bulevardin “Bajram Curri”, nga Ura e Brrylit drejt Bulevardit “Dëshmorët e Kombit”, deri tek Sheshi “Nënë Tereza”, ku rreth orës 17:15 është parashikuar të përfundojë xhiroja.
