Një aksident ka ndodhur mbrëmjen e së shtunës në qendër të qytetit të Elbasanit, pranë degës së Tatim Taksave.
Makina përplasi këmbësorin i cili është dërguar në spital. Burime nga spitali i Elbasanit bëjnë me dije se i plagosuri është jashtë rrezikut për jetën.
Policia ka shoqëruar drejtuesin e mjetit, ndërkohë që po punohet për rrethanat e aksidentit.
“Rreth orës 17:45, në bulevardin “Qemal Stafa”, vendi i quajtur “Tatimet”, automjeti me drejtues shtetasin K. Sh., 30 vjeç, ka përplasur shtetasin Sh. Ll., 54 vjeç, këmbësor. 54-vjeçari është dërguar për ndihmë mjekësore në spitalin e Elbasanit, jashtë rrezikut për jetën.
Me drejtuesin e automjetit shtetasin K. Sh., po kryhen veprimet e mëtejshme procedurale”,-njofton policia.
Grupi hetimor po punon për përcaktimin e rrethanave të aksidentit.
