Qyteti i Beratit është përfshirë nga dy zjarre të njëpasnjëshëm që kanë rënë gjatë ditës së sotme.
Zjarri i parë u shfaq në lagjen “Uznovë e madhe” dhe i favorizuar nga era u shtri në një sipërfaqe tëkonsiderueshme, ndërsa vatra e dytë e zjarrit u shfaq në Malin Shpirag, zjarr ky që u shkaktua nga shkarkesa e një rrufeje.
Në zonë shkuan shërbimet zjarrfikëse dhe në një kohë të shkurtër lokalizuan flakët dhe kryen fikjen e plotë të zjarrit.
Si pasojë e zjarrit në malin Shpirag, u dogj një sipërfaqe 300 m2 me shkurre e bimësi, ndërkohë që në lagjen “Uznovë e madhe” u dogj një sipërfaqe rreth 600 m2 me shkurre e ferra.
Problematike situata është paraqitur në qytet, si pasojë e stuhisë së erës dhe shiut, që përfshiu qytetin rreth orës 20:15 të mbrëmjes së sotme.
Stuhia u shoqërua me pemë e shtylla të rrëzuara dhe me bllokime rrugësh në disa zona ku pemët ranë në rrugë, siç kanë qenë rruga Spital-Uznovë, Kombinat-Dogana, Stadiumi i ri-Tregu Induatrial etj.
