Një ngjarje e rëndë ka ndodhur pasditen e sotme në Greqi. Një përplasje e përgjakshme me të shtëna mes tifozëve ka ndodhur jashtë stadiumit në Alexandras Avenue, pak para ndeshjes miqësore mes Panathinaikos dhe AEK Larnaka.
Sipas mediave greke, tre persona kanë mbetur të plagosur si pasojë e të shtënave, ndërsa mbi 70 të tjerë janë arrestuar nga policia.
Dëshmitarët okularë thanë se fillimisht grupet e tifozëve u përplasën fizikisht dhe më pas një person ende i pa indentifikuar qëlloi disa herë ndaj palës kundështare duke plagosur një person, ndërsa dy të tjerë kanë marrë plagë nga shkopinj dhe mjete prerëse.
Policia ka shkuar në vendngjarje dhe po punon për zbardhjen e ngjarjes.
Informacionet bëjnë me dije se shumë prej të arrestuarve kanë qenë me precedent të mëprashëm kriminal.
