Gjendja pas reshjeve të dendura të shiut dhe vërshimeve në Gjermani, kryesisht në Saarland dhe në shumë zona ende vazhdon të jetë kritike.
Kancelari Olaf Scholz gjatë vizitës në zonat e vërshimeve u premtoi ndihmave banorëve të prekur. Edhe zona të tjera në jugperëndim kanë pasur dëme prej vërshimeve.
Sipas të dhënave të Qendrës për Matjen e Nivelit të Ujit nga Përmbytjet, ekziston rrezik ekstrem për përmbytje.
Ky fenomen natyror ndodh me cikle çdo 20 ose 50 vjet, njoftoi Autoriteti Shtetëror për Mjedisin dhe Sigurinë në Punë në Saarbryken. Shërbimi gjerman i motit paralajmëroi se ekziston rrezik për jetën. Deri më tani, për fat të mirë nuk ka pasur viktima apo dëme.
Gjendja e dëmeve të mëdha është shpallur në kryeqytetin e shtetit Saarbrücken. Aty ku lumi Saar ka dalë nga brigjet e tij, disa rrugë janë përmbytur dhe bllokuar, ndër të tjera është bllokuar edhe autostrada e qytetit. Njerëzit duhej të evakuoheshin nga disa ndërtesa në këtë zonë të qytetit. Qendra për Parandalimin e Fatkeqësive e konsideron situatën mjaft të tensionuar.
Lumi Saar do të vazhdojë të përjetojë rritje të nivelit të ujit për shkak të reshjeve të vazhdueshme. Shërbimi i motit në Gjermani regjistroi 100 litra ujë shiu për metër katror. Edhe pse reshjet janë pakësuar, situata është ende e vështirë në zonat e evakuuara të Saarland.
Po kështu, në Nuremberg, brenda tre orëve ka pasur reshje të vazhdueshme shiu dhe janë regjistruar gjithsej 300 emergjenca zjarrfikëse.
