Pas miratimit të ligjit për Zonat e Mbrojtura, Ina Zhupa ka folur për mediat duke thënë se do të bëjnë gjithçka për ta ndaluar.
Ajo është shprehur se me miratimin e këtij ligji i hapet rruga shkatërrimi të zonave të mbrojtura në interes të Investitorëve Strategjikë.
“Siç e ndoqët kjo seancë ka nisur me një protestë të shoqërisë civile, sepse sot kaloi një ligj që është përfundimisht shkatërrimi i zonave të mbrojtura.
Ky ligj heq mbrojtjen nga zonat e mbrojtura për të bërë investime strategjike dhe shoqëria civile është shprehur kundër, dhe ne jemi kundër dhe do të bëjmë çdo përpjekje për ta ndalur, që nga Presidenti te Gjykata Kushtetuese.
BE ka reaguar duke thënë se është në kundërshtim me kapitujt për hapjen e negociatave dhe në kundërshtim me konventat që ka firmosur Shqipëria. Është një projekt me porosi. Është bërë projekti për Karavastanë, pa u votuat ligji.
U bëj me dije një paradoks. Nëse dot pret një pemë në pyll, vret një kafshë të egër, dënohesh. Por nëse shkatërron një zonë të tërë të mbrojtur quhet investim strategjik. Mirela Kumbaro ministrja më e dështuar.
Do të doja të shkonim në referendum për të tilla ligje. Procesi ishte shumë i shpejt dhe mendoj se të gjitha hapat të ishin ndjekur nga qeveria që të gjithë të kishin mundësi të reagonin”, tha Zhupa.
