Ministrja e Turizmit dhe Mjedisit, Mirela Kumbaro, ka dhënë një deklaratë për mediat në përfundim të seancës së sotme, ku u miratua ligji për Zonat e Mbrojtura.
Ajo tha se janë disa linja të kuqe që nuk do të preken duke përmendur këtu direktivat e BE-së.
“Vjen në parlament si një nisëm deputetësh, por marrin shkasë nga kërkesave shumë kryetarëve të bashkive, të cilët kanë pasur të drejtat e tyre legjitime për të pasur bashkëpunim.
Në informacionin e të gjithëve, ka pasur shumë konsultime publike, emaile, letra dhe unë kam pasur takime formale dhe informale me shoqërinë civile.
Janë disa linja të kuqe që nuk duhet të preken, kam fjalën këtu të mos preken direktivat e BE-së. Amendimet japin rregulla shumë të qarta për zonat e mbrojtura”, tha Kumbaro.
Në lidhje me projektin që po qarkullon në rrjet për ndërtimin e një resorti në Parkun e Divjakës, Kumbaro tha se fotot janë të pavërteta dhe se nuk ka një projekt të tillë.
“Çfarë kam parë dhe unë të qarkullojë, fotografitë që kanë qarkulluar janë të pavëretat, nuk ka një projekt të tillë. Është një përhapje lajmesh të pavërteta”, tha ministrja.
