Policia e Fierit ka zbardhur një vjedhje me armë zjarri të ndodhur në vitin 2012.
Ngjarja ka ndodhur në fshatin Portëz, ndërsa pas 11 vitesh u bë e mundur zbardhja dhe dokumentimi me prova ligjore i këtij rasti, si dhe kapja dhe ndalimi i një prej autorëve, konkretisht shtetasit Zh. (Sh.) D., 46 vjeç, banues në Patos.
Gjykata e Shkallës së Parë e Juridiksionit të Përgjithshëm Fier ka caktuar ndaj 46-vjeçarit, masën e sigurisë “Arrest në burg”, pasi akuzohet se në bashkëpunim me një shtetas tjetër, nën kërcënimin e një arme zjarri, vodhi rreth 60 000 lekë, në një subjekt për shitje të gazit, në fshatin Portëz.
Hetimet vijojnë për identifikimin dhe kapjen e shtetasit tjetër të implikuar në këtë rast.
