Ka shkuar në gjashtë numri i viktimave nga zjarri në Itali. Situata problematike paraqitet në jug të Italisë, teksa i gjithë territori po përballet me temperatura të larta deri në 48 gradë Celsius.
Vetëm në 24 orët e fundit zjarrfikësit janë angazhuar për shuarjen e 500 vatra zjarri. Zjarri ka shkaktuar dëme të mëdha në Kalabri, ku sipas mediave italiane, 11,000 hektarë u dogjën si dhe Sardenja.
Kryeministri italian Mario Draghi premtoi të enjten se do të sigurojë mbështetje financiare për ata që preken nga zjarri. Ai gjithashtu tha se do të ketë një plan specifik për ripyllëzimin e zonave që janë shkatërruar. Për shpërthimin e zjarreve, autoritetet vlerësojnë se pothuajse 57% e zjarreve janë rezultat i zjarrvënies./ Opinion.al
