Zgjedhja e partnerit është një nga vendimet më të rëndësishme që do të bëni në jetë. Por, si ta kuptoni nëse është i duhuri? Kjo nuk është aq e thjeshtë sa të shkulni petalet nga luledielli ndërsa thoni “më do, s’më do”. Njeriu me të cilit do të kaloni jetën nuk zgjidhet prej universitetit që ka frekuentuar apo sa para sjell në shtëpi. Këtu bëhet fjalë për cilësitë që DUHET t’i ketë, dhe jo cilësitë që është këndshëm po t’i kishte.
Nëse vazhdimisht pyesni veten, “a më do?”, ja 6 shenjat që tregojnë se është i duhuri për ju:
Ju e dini që jeni prioritet për të
Nëse i kërkoni t’ju bashkohet në një event që është i rëndësishëm për ju, ai do të vijë, edhe nëse kjo pengon planet e veta. Ai ju telefonon ose ju dërgon mesazhe çdo ditë për t’ju thënë që sapo arriti në punë. Ju dini çdo detaj të ditës së tij dhe ai tuajën. Ju tregon udhëtimet që do të bëjë, miqtë, dhe nëse jeni në mes të një bisede të rëndësishme dhe mamaja e merr në telefon, nuk do e ndërpresë bisedën.
Nuk përpiqet t’ju ndryshojë
Nuk ka ndjenjë më të keqe sesa të kuptosh që partneri juaj përpiqet t’ju ndryshojë, qoftë kjo fjalori, veshja apo hobit dhe pasionet. Ai ju njeh dhe ju pranon ashtu siç jeni. Kjo është ndjenja më e jashtëzakonshme dhe është ajo e cila duhet të kërkoni në një lidhje.
Keni të njëjtën udhëheqje shpirtërore
Nuk bëhet fjalë për fenë të cilës i përkisni. Më shumë ka të bëjë me cilësitë që predikon feja. Nëse mes jush qëndron falja, ndershmëria, sakrifica, respekti, përulësia etj, nuk ju duhet gjë tjetër.
Ju ka parë në gjendjen tuaj më të keqe dhe nuk ka ikur
Ai ka ndenjur krah jush kur keni pasur probleme ekonomike, kur keni humbur një njeri të dashur apo kur keni kaluar çfarëdolloj situate tjetër stresuese. Nëse asgjë nga këto nuk e ka trembur dhe nuk ju ka gjykuar kur keni derdhur lotë para tij, atëherë është i duhuri.
Veprat flasin më shumë se fjalët
Nëse fjalët nuk mbështeten nga veprat atëherë janë të kota. Ju e kuptoni që i vjen keq për gabimin që ka bërë nëse nuk e përsërit më, jo sepse ashtu thotë ai. Ju e kuptoni që ju do prej veprimeve, jo sepse ju thotë që ju do.
I vjen buzëqeshja kur ju sheh
Gjuha e trupit është e barabartë me veprat që bën për t’ju treguar që ju do. Nëse kur sheh fytyrën tuaj i përmirësohet gjendja shpirtërore dhe emocionale, atëherë padyshim është i dashuruar. Nëse pjesa e preferuar e ditës së tij është momenti kur kalon kohë me ju, atëherë nuk keni pse të dyshoni më./Opinion.al
