Kontrabandistët e njerëzve vazhdojnë të reklamojnë kalimet e rrezikshme përmes Kanalit Anglez, pavarësisht se 6 persona humbën jetën pasi një varkë me emigrantë u mbyt ditën e djeshme, shkruan DailyMail.
Por mesa duket edhe pas tragjedisë së ditës së djeshme, kontrabandistët shqiptarë nuk janë ndalur të reklamojnë ‘biznesin’ e tyre të paligjshëm nëpër rrjetet sociale.
Sipas një artikulli të publikuar nga DailyMail, flitet për çmimet dhe reklamat që drejtuesit e këtyre rrjeteve praktikojnë për këtë biznes ilegal fitimprurës.
Në artikull shkruhet se gjatë kontaktimit me shqiptarët që mundësojnë kalimin me gomone në kanalin e La Manshit kanë deklaruar se nuk ka asgjë për tu shqetësuar pasi personat e mbytur nuk janë klientët e tyre.
Dje, burimet e Forcave Kufitare zbuluan se gomonet po mbipopulloheshin gjithnjë e më shumë. Ai që u përmbys dje kishte rreth 70 persona në bord.
Ndërkohë një trafikant shqiptar ka shtuar se ata sërish kanë dërguar emigrantë të paligjshëm drejt Britanisë, por nuk kanë pasur asnjë problem, duke lënë të kuptohet se kanë mbërritur në destinacion.
“Kur ngritëm shqetësimin për varkën që u mbyt, ata na thanë se jo të gjithë mbyten. Ne bëjmë udhëtime çdo ditë, shumica prej tyre të suksesshme. Deti do jetë super i qetë”, është shprehur trafikanti shqiptar.
Një person i brendshëm në komunitetin shqiptar të Britanisë së Madhe tha:
“Kontrabanduesit e njerëzve kanë reklamuar lirisht biznesin e tyre fitimprurës në mediat sociale për një kohë të gjatë. Nuk e shqetësojnë mendjen se ata po vazhdojnë ta bëjnë këtë pasi u mbytën gjashtë persona.”
Ndërsa emigrantët që arritën të shpëtonin pasi varka me të cilën lëviznin u fundos në brigjet veriore të Francës, janë strehuar në kampe.
Ata janë shprehur se do të tentojnë sërish të hyjnë në Britani, nëse kthehen mbrapsht pavarësisht rrezikut.
