Ambasadori britanik në Tiranë, Duncan Norman, mirëpriti vendimin e Gjykatave në Shqiperi për të dënuar Emiljano Shullazin me 14 vjet burg. Si dhe dënimet për anëtarët e bandës se tij.
“Krimi i organizuar shkatërron ekonomine jetën e njerëzve dhe komunitetet. Nuk duhet të ketë kurrë hapësirë që kriminelet e organizuar të veprojne ne kete vend,” tha ambasadori.
Gjykata e Krimeve të Rënda dha dje vendimin edhe për pjesëtarët e bandës së tij, duke i dënuar në total me 55 vite burg.
Kështu mbështetësi i tij kryesor Gilmando Dani u dënua me 12 vite burg, Endri Qyqa dhe Endri Zela me nga 10 vite burg. Ndërkohë Blerim Shullazi u denua me 9 vite heqje lirie.
Gjykata dha gjithashtu një masë shtrënguese, që të pandehurit të mos përfitojnë nga e drejta e lirimit me kusht. Ndërsa dënimin do e kryejnë në një burg jo të sigurisë së lartë.
Procesi gjyqësor u zhvillua dje nën masa të rrepta sigurie të Krimet e Rënda. Ndërsa seanca u monitoruar nga përfaqësues të ambasadës amerikane dhe asaj gjermane. Trupit gjykues iu deshën rreth 3 orë e gjysmë për të marrë vendimin final për bandën e Emiljano Shullazit.
