Kronikë

5 vite më parë kërcënoi Tahirin, arrestohet përsëri Vladimir Gjuta


               Publikuar në : 17:11 - 22/01/20 |
Opi Nion

Vladimir Gjuta është arrestuar nga policia më 4 janar, pasi akuzohet se ka rrahur kushëririn e tij me çekiç, duke i thyer dhëmbët dhe duke i lënë të dëmtuar njërin nga sytë.

Ngjarja ka ndodhur më në datën 2 janar 2020, ku 40-vjeçar ka dhunuar kushëririn e tij të identifikuar me inicialet J. H. Blutë e Tiranës, thonë se Gjuta gjithashtu, dyshohet se është autori i ngjarjes së 19 dhjetorit 2019, të ndodhur në “Rrugën e Elbasanit”, pranë Fakultetit të Historisë dhe Filologjisë, ku është goditur me sende të forta personin me inicialet S. Xh.

Tashmë mbi Vladimir Gjutan rëndojnë akuzar “Plagosja e rëndë me dashje” dhe “Kanosja”. 40-vjeçari Vladimir Gjuta është një emër i njohur për drejtësinë shqiptare pasi më  herët ka qenë arrestuar si i akuzuar për vendosjen e tritolit në farmacinë e babait të ish- ministrit të Brendshëm Saimir Tahiri më 10 shkurt 2015, por që në përfundim të hetimeve u lirua, pasi akuzat nuk u provuan.

Po ashtu, Vladimir Gjuta kishte kërcënuar ish-ministrin me një mesazh në numrin e tij personal“Lëre të qetë familjen Gjuta, ndryshe do të kesh pasoja”, shkruhej në mesazhin pas të cilit Tahiri u mor në mbrojtje nga forcat RENEA.

Pak kohë më pas, 40-vjeçari u arrestua për dhunë ndaj babait të tij, duke thyer edhe masën e “arrestit shtëpiak”, por u lirua sepse familjarët nuk ngritën kallëzim penal./ Opinion.al

Pas