Ministri i Brendshëm, Bledi Çuçi e ka cilësuar sukses sekuestrimin e 400 kg kokainë në Kosovë. Në reagimin e tij, ministri thotë kapja e 400 kg kokainë është dyshim e bashkëpunimit të fortë mes Policisë së Shtetit me atë të Kosovës dhe partnerëve të tjerë të huaja.
Sipas Çuçit, aksioni i autoriteteve është një provë besimi për luftën e përbashkët kundër trafikimit të lëndëve narkotike.
Ministri paralajmëron se do të ketë të tjera aksione të cilat do të shkatërrojnë grupe kriminale që operojnë në fushën e trafikimit të drogës.
Reagimi i Çuçit
Goditja e kontrolluar e grupit kriminal që tentoi të trafikonte rreth 400 kg lëndë narkotike e llojit kokainë në Kosovë, është një tjetër dëshmi e suksesit të luftës së përbashkët kundër trafikut të drogës dhe provë e besimit të lartë të partnerëve te Policia e Shtetit. Hetimi profesional dhe intensiv mes disa shteteve na çoi në shkatërrimin e një rrjeti të fuqishëm në fushën e narkotikëve. Kjo është një luftë e vazhdueshme, që do të pasohet nga operacione të tjera dhe goditje si kjo e fundit, për ta bërë Shqipërinë dhe rajonin një vend më të sigurt./ Opinion.al
