InstaBIZ

4 muaj në Karaibe, Mariza Ikonomi tregon eksperiencën profesionale


               Publikuar në : 19:59 - 12/04/19 |
xhu lia

Prej disa kohësh këngëtarja shqiptare Mariza Ikonomi ndodhet në Karaibe, ku aktualisht po vijon edhe karrierën e saj. Në një lidhje me “Skype” për emisionin “Rudina” në Tv Klan, Ikonomi u shpreh për këtë eksperiencë të re dhe gjithashtu për faktin se do të kthehet në Shqipëri me produksione të reja muzikore. Gjithashtu ajo u ndal edhe të bukuritë e Karaibeve  duke rrëfyer se është argëtuar dhe relaksuar gjatë kësaj kohe.

U bënë gati 4 muaj e gjysmë që unë jam këtu dhe kanë kaluar shumë shpejt. Është një eksperiencë shumë e bukur dhe më vjen keq që për tre javë më duhet të kthehem në Evropë.

Këtë eksperiencë unë e shikoj si dhuratë nga universi, jo vetëm punoj, por edhe e shijoj pak. Unë këtu jam duke bërë performanca, të cilat i bëjmë në teatër, por edhe nëpër resorte.

Në të vërtetë mua më ka pëlqyer jo vetëm të këndoj, por edhe të aktroj e të kërcej. Është një jetë ndryshe nga ajo që ne bëjmë dhe të duket sikur t’i vërtet rilind.

Merr energji pozitive nga këto vende. Në fillim kisha frikë për këtë kontratë sepse nuk është aq e lehtë t’i lesh të gjitha për njëfarë kohe, por është vërtetë diçka që më ka inspiruar. Kam bërë këngë të reja dhe kur të kthehem dua t’ia tregoj publikut  dhe të bëj një koncert. Jam inspiruar nga ky vend dhe dua të inspiroj të gjithë shqiptarët”, -u shpreh këngëtarja e njohur shqiptare./Opinion .al/

 

Pas