Sport

3 muaj pa marrë rrogën, lojtarët e Vllaznisë bojkotojnë sërvitjen


Bëhu pjesë e Grupit Zyrtar të Opinion.al
>> KËTU <<
               Publikuar në : 20:19 - 21/05/20 |
Al Do

Ekpi i futbollit të Vllaznisë ka vendosur të bojkotojë stërvitjen për shkak të pagave të prapambetura.

Ata kërkojnë pagat e muajit shkurt, mars dhe prill.  Lojtarët kishin njoftuar drejtuesit e klubit se nëse situata nuk përmirësohej, do të ndërmerrnin hapin ekstrem, duke refuzuar të dilnin në stërvitje.

Administratori i klubit, Suad Lici provoi t’u sqaronte problematikat lojtarëve dhe premtoi se brenda dhjetë ditëve, çdo problem do të zgjidhej.

“Nuk është problematikë e re, jemi të detyruar të zbatojmë ligjet e shtetit shqiptar  pasi nuk janë miratuar bilancet e viti 2018 kemi, pavarësisht se e kemi të miratuar e kemi të bllokuar. Nuk mund të paguaj një punë të pabërë, kshtu që duhet të zbatojmë ligjet e shtetit shqiptar. Gjendja e pandemisë ka bërë të vetën.Shpresojmë që brenda dy javëve të jepet zgjidhje, deri në muajin janar ata janë të paguar 100%. Një muaj a më tepër i kemi borxh futbollistëve. Kam diskutuar me kryetarin e këshillit bashkiak se është një strukturë prej 40 personash që kanë 5 muaj pa u paguar. Kemi tre ditë që futbollistët nuk po marrin trajtim ushqimor, pasi kishte mbaruar kontrata, ndërkohë po ushqehen me financat e veta”, është shprehur Lici.

Megjithatë kjo nuk mjaftoi për të kthyer lojtarët në stërvitje.

Është vendim që e morëm të gjithë çunat bashkë, jemi 4 muaj që nuk paguhemi. Është bërë e pamundur të flitet për futboll në këtë pikë”, tha kapiteni i ekipit shkodran, Gilman Lika.

Bojkoti, kur kanë mbetur më pak se dy javë nga data e caktuar për rifillimin e kampionatit, rrezikon sezonin e Vllaznisë, me ekipin që mund të përfaqësohet nga futbollistët 19-vjeçarë të Akademisë, në ndeshjen e parë ndaj Flamurtarit. /Opinion.al

Pas