Prokuroria e Tiranës ka rihapur çështjen për vrasjen e Aleks Nikës me datë 21 janar 2011 në qendër të Tiranës gjatë protestës së opozitës së atëhershme.
Kujtojmë se aso kohe vrasje e Nikës mbeti pa autor, teksa janë rihapur sërish hetimet.Ende nuk është provuar se nga cila armë është qëlluar për vrasjen e tij.
Çështja është regjistruar në prokurori prej 1 muaj dhe hetimi po vijon.
Rihapja e “21 Janarit” për vrasjen e Aleks Nikës bën që të ripyeten edhe njëherë personat që kanë pasur dijeni për ngjarjen, si Garda, si dhe familjarët e të ndjerit. Gjithashtu, Akuza do të kërkojë edhe rihetim të predhës së gjetur në kokën e Aleks Nikës, e cila në fakt, nga hetimi i parë që i është bërë në Turqi, ka rezultuar se është tërësisht e dëmtuar.
Kujtojmë që në 21 Janar kanë mbetur të vrarë 4 persona, ku per dy prej tyre është identifikuar dhe dënuar autorët. Vrasje të pa zbardhura kanë mbetur ato të Aleks Nikës dhe Hekuran Dedës.
