Kryeministri Edi Rama ka kryer sot homazhet në nder të katër viktimave të protestës së 21 janarit në bulevardin “Dëshmorët e Kombit”.
Rama me anë të një statusi në rrjetet sociale, teksa ka publikuar disa foto nga homazhet, shkruan se për këtë ngjarje e vërteta dihet botërisht ndërsa thotë se një fakt i ri rrënqethës sapo ka dalë në dritë.
“Homazhe në pritjen e pafundme që drejtësia të bëjë drejtësi, ndërkohë që e vërteta dihet botërisht dhe një fakt i ri rrënqethës sapo ka dalë në dritë…”, shkruan kryeministri.
Në protestën e 21 Janarit në vitin 2011 humbën jetën Aleks Nika, Ziver Veizi, Faik Myrtaj dhe Hekuran Dedja. Në përkujtimoren e 10 ata u shpallën “Dëshmorë të Atdheut” nga kryeministri Edi Rama.
