Renato Myrtaj, djali i Faik Myrtaj, i cili mbeti i vrarë në 21 janar të vitit 2011 kërkon që të rihapen hetimet për vrasjen e babait të tij.
Në një prononcim për mediat ditën e sotme, Myrtaj është shprehur se shpreson që çështjen e babait të tij ta marrë në dorë SPAK.
“Për dy personat që është rihapur dosja e 21 janarit, në djeninë time për Aleks Nikën nuk ka pasur një hetim të thelluar. Me aq sa di ky është një hetim që e ka kërkuar policia.Shpresojmë që çështjen e Aleks Nikës dhe tre personave të tjerë ta marrë SPAK. Për sa i përket hetimeve për Faik Myrtaj është bërë kërkesë në Gjykatën e Lartë, por s’kemi marrë një përgjigje.
Çështjes do t’i shkohet deri në fund. Është çështje kohe dhe duhet besim që kësaj çështjeje do t’i shkohet deri në fund”, deklaroi Myrtaj.
Ditën e djeshme u bë publik fakti se janë rihapur hetimet nga prokuroria e Tiranës për vrasjen e Aleks Nikës në 21 janar të vitit 2011./Opinion.al
