Kronikë

Vrasja e Lamçes, dërgohet për gjykim dosja e dhëndrit të Qazim Sejdinit


Bëhu pjesë e Grupit Zyrtar të Opinion.al
>> KËTU <<
               Publikuar në : 10:38 - 28/05/21 |
Opi Nion

Prokuroria e Elbasanit ka përfunduar hetimet për vrasjen e Florian Lamçes dhe ka dërguar për gjykim dosjen e Sokol Sanxhaktarit, dhëndrin e ish-kryebashkiakut Qazim Sejdini dhe Adriano Hajdarin. Këta të fundit akuzohen për vrasje të kryer në bashkëpunim.

Në gjyq kanë përfunduar dhe Amadeus Lamçja, 40 vjeç për “moskallëzim krimi”, “veprime që pengojnë zbulimin e së vërtetës” dhe “deklarim të rremë” si dhe Mehmet Muça, 33 vjeç për të njëjtat vepra penale.

Sanxhaktari dhe Hajdari  dyshohen se pasi pinë me Lamçen deri në orët e mëngjesit e qëlluan më pas me mjete të forta në kokë, duke e lënë të vdekur.

Ngjarja e rëndë ndodhi më 30 korrik të vitit të kaluar. Lamçe së bashku me Hajdarin dhe Sanxhaktarin kanë qenë së bashku në një lokal pranë qendrës së qytetit dhe rreth orës 05:30 të dehur u përleshën në bisedë e sipër dhe si pasojë e goditjeve me shishe dhe sende të tjera të forta, Florian Lamçe ndërroi jetë./Opinion.al

 

Pas