Ministri i Drejtësisë Ylli Manja ka deklaruar ditën e sotme se i takon drejtësisë të bëjë drejtësi në lidhje me “21 janarin”.
Gjatë fjalës së tij për mediat ai u shpreh se vendimi i Gjykatës Ndërkombëtare të Drejtësisë në Strasburg, është një lehtësim.
“Kam një qëndrim konstant timin për 21 janarin. Drejtësia të bëjë drejtësi për 21 janarin. Këtë kemi kërkuar dhe këtë presim nga drejtësia. Të zbardhet e vërteta në të gjithë dimensionet. Ndjehemi të lehtësuar për vendimin e Strasburgut. Është lehtësim për ne. Tashmë i takon drejtësisë të vendosë drejtësi”, tha Manja.
Kujtojmë se vendimi Strasburgut në lidhje me vrasjen e Aleks Nikës, i cili humbi jetën në protestën e 21 janarit, konkludon se ka dy shkelje në këtë çështje: vrasja dhe më pas moszbardhja e krimit./Opinion.al
