Aktualitet

15 mijë thirrje në javë tek 127, trefishohen referimet për tampon


Bëhu pjesë e Grupit Zyrtar të Opinion.al
>> KËTU <<
               Publikuar në : 12:25 - 14/07/20 |
Opi Nion

Shifrat e të prekurve nga Covid-19 në Shqipëri kanë shënuar rritje gjatë dy javëve të para të muajit të Korrik, ndërsa njëkohësisht është rritur edhe numri i personave të shtruar në spital, duke kaluar rekordin e muajit mars.

Por ndërsa specialistët nuk shohin parashikimi pozitive edhe për 2 javët në vijim, ajo që e bën shqetësuese situatën është edhe konfirimimi që vjen nga Qendra Kombëtare Urgjencës Mjekësore. Përmes një publikimi, bëhet me dije që në javën e dytë të muajit Korrik është vëretjur një tendencë në rritje e thirrjeve kundrejt numrit 127.

“ Më shumë se 15 mijë thirrje kanë mbërritur drejt numrit 127 në javën e dytë të muajit korrik, duke regjistruar një tendencë në rritje, kjo edhe për shkak të rritjes së numrit të të infektuarve me COVID-19. Po ashtu nisur nga situata e krijuar nga pandemia e COVID-19 është rritur edhe numri i misioneve, ku stafi i terrenit të Urgjencës Kombëtare ka dhënë ndihmën mjekësore për të gjithë qytetarët që kanë pasur nevoja mjekësore. Fatkeqësisht është trefishuar numri i referimit për tampon te epidemiologët, çka nënkupton se është një tendencë në rritje edhe e numrit të të infektuarve”, thuhet në një publikim të urgjencës në rrjetet sociale.

Nisur nga këto të dhëna edhe një herë është theksuar rëndësia e respektimit të rregullave.

  • Shmangia e kontaktit të ngushtë me njerëzit që vuajnë nga infeksione akute të rrugëve të frymëmarrjes.
  • Larja e shpeshtë e duarve, veçanërisht pas kontaktit të drejtpërdrejtë me njerëzit e sëmurë ose mjedisin e tyre.
  • Personat me simptoma të infeksioneve akute të rrugëve të frymëmarrjes duhet të praktikojnë higjienën respiratore të lidhur me kollën (ruajtja e distancës, mbulimi me shami / letër ose rroba kur teshtijnë apo kolliten, larjen e duarve).
  • Brenda mjediseve të kujdesit shëndetësor, forconi praktikat standard të parandalimit të infeksionit dhe kontrollit në spitale, veçanërisht në shërbimet e urgjencës.

“Të nderuar qytetarë evitoni festat apo ceremonitë me më shumë se 10 persona në këto ambiente, dhe për më tepër duhet të jenë të rrethit të ngushtë familjar. Respektimi strikt i masave të vendosura do të ruajnë shëndetin tuaj dhe njërëzve tuaj të dashur. Nëse keni shenja të sëmundjes telefononi në numrin e Urgjencës Kombëtare 127”, thuhet në njoftim./Opinion.al

Pas