Të paktën 11 të dënuar dhe një oficer policie u vranë gjatë përleshjeve mes të burgosurve dhe rojeve të sigurisë në një burg në Paraguaj.
Të dënuarit hapën zjarr ndaj policisë, gjatë operacionit të tyre në burgun e Asuncion për transferimin e lordit të drogës Armando Javier Rotela.
Sipas policisë, Rotela kontrollonte pjesën më të madhe të burgut të njohur ndryshe si “Xhungla” dhe madje kishte dhe një market të vogël brenda tij.
Baroni i drogës kishte krijuar kushte të mira për qëndrimin e tij në burg dhe brenda mbante edhe gruan dhe qentë.
Operacioni për marrjen e kontrollit të burgut zgjati për disa orë dhe në të u angazhuan më shumë se 2500 forca policie. Fatkeqësisht një efektiv u qëllua me armë zjarri në kokë, teksa një tjetër mbeti i plagosur rëndë.
