TIRANË- Nëse jeni në dyqan dhe tatimorët u gjejnë pa faturë për produktet që keni blerë do të gjobiteni me 1 mijë lekë. Urdhri ka dalë nga drejtoria e Tatimeve, sipas të cilit blerësi duhet ta kërkojë faturën në kohën e realizimit të shitjes apo të kryerjes së punimit ose shërbimit. Në të kundërt qytetari merr gjobë me 1 000 lekë.
Udhëzimi i ri që përcakton procedurat se si tatimorët e terrenit duhet të kontrollojnë biznesin, që hyri në fuqi një muaj më parë, tregon format se si ky kontroll duhet realizuar për vendndodhjen, regjistrimin, numrin e punonjësve të biznesit, si dhe përdorimin e kasës fiskale.
