Sport

Kush është biznesmeni që kërkon të bleje sport-klub “Tirana”


               Publikuar në : 08:40 - 09/01/19 |
b.f

Julian Morina është gati të blejë aksionet e Tiranës në pronësi të bashkisë së kryeqytetit.

Ish-donatori dhe njëri nga njerëzit, i cili shpëtoi Tiranën në vitin e zi 2013- 2014, kur ekipin e drejtonte trajneri Gugash Magani, ka vendosur që të kthehet në klubin bardheblu, për të cilin ka shpenzuar jo pak kohë, energji dhe para. Edhe pse ka qëndruar në hije për më shumë se katër vite, duket se Morina dhe Tirana nuk rrinë dot larg.

Biznesmeni shumë shpejt do të kërkojë të marrë kontrollin e aksioneve të bashkisë, duke qenë aksioneri i dytë privat në ekip. Vetë Morina e pranon se shumë shpejt dëshirën e tij do ta konkretizojë me një kërkesë. “Është shumë e vërtetë që shumë shpejt do të bëj një ofertë për aksionet e Tiranës.

E përsëris, kam dëshirë dhe do të bëj një ofertë për blerjen e 34 për qind të pjesës së mbetur të aksioneve të KF Tiranës që zotëron bashkia”, është shprehur në fillim.

Donatori pranoi se askush nuk mund të mbijetojë i vetëm në botën e futbollit dhe askush nuk mund të shpallë i vetëm kampion një skuadër si Tirana. Sipas tij, tani ka ardhur koha e bashkimeve dhe fuqisë të disa njerëzve për të bërë gjëra të mëdha, jo vetëm në biznes, por edhe në futboll./Panorama Sport

Pas