Kemi hyrë zyrtarisht në stinën e dimrit, pasi javën e ardhshme pritet që vendi ynë të përfshihet nga reshje shiu dhe ulje temperaturash.
Sipas Shërbimit Meteorologjik Ushtarak, depërtimi i një qendre të thellë në detin Mesdhe do të sjellë si pasojë sasi të lartë të lagështirës dhe ditë me reshje shiu me intensitet të lartë.
Gjithashtu për shkak të masave ajrore të ftohta me origjinë Polare dhe futja e tyre në detin Mesdhe do të bëjë që të ketë edhe reshje dëbore të cilat në relievet malore të jenë deri dhe të dendura.
Në këtë mënyrë për ditën e nesërme moti parashikohet i kthjellët e vranësira të pakta kalimtare.
Më pas për ditën e martë dhe deri ditën e premte (dhe jo vetëm pasi edhe për ditën e shtunë pritet situatë e paqëndrueshme atmosferike) moti parashikohet kryesisht me vranësira mesatare dhe të dendura.
Megjithatë këtu nuk përjashtohen edhe kthjellimet afatshkurtra kryesisht për ditën e martë dhe të enjte dhe zonën e qendrës dhe jugu.
Ditën e martë reshje shiu të cilat në veriperëndim do të jenë me intensitet mesatar deri të lartë, në pjesën tjetër të vendit me intensitet të ulët deri mesatar.
Ditën e mërkurë reshjet në veriperëndim vijojnë me intensitet mesatar dhe të lartë por reshjet me intensitet të lartë përfshijnë në orët e pasdites dhe mbrëmjes një pjesë të madhe të territorit.
Për ditën e enjte reshjet deri në orët e mesditës me intensitet mesatar ndërsa në relievet malore në veri dhe lindje në lartësitë mbi 900-1000 metër reshje dëbore me intensitet të ulët dhe mesatar.
Ndërkohë edhe ditën e premte reshje shiu me intensitet mesatar dhe të lartë në zonën e veriperëndimit ndërsa në pjesën tjetër të territorit mesatar deri dhe të lartë.
Gjithashtu për ditët e mërkurë, enjte dhe ditën e premte pritet edhe erë tepër intensive me drejtim nga kuadrati i jugut dhe shpejtësi mesatare 5-12 m/s dhe përgjatë vijës bregdetare dhe lugina era me shpejtësi deri në 22-26 m/s shoqëruar me dallgëzim të lartë në dete të forcës 5-7 ballë.
