Autoritetet zvicerane kanë rritur nivelin e alarmit në vend. Policia e Gjenevës është vënë në kërkim të 4 personave të dyshuar si të lidhur me sulmet e Parisit. Mediat zvicerane bëjnë të ditur se ka informacione për praninë e këtyre elementëve në zonë. Me anë të një komunikate në faqen e internetit, zyrtarët lokalë njoftojnë se janë sinjalizuar ditën e mërkurë nga autoritetet federale zvicerane dhe se ka forcuar masat si edhe ka angazhuar agjentët në terren.
Kësisoj janë forcuar masat në godinat qeveritare, dhe veçanërisht në ndërtësat e organizatave ndërkobëtare, Kombet e Bashkuara, Organizata Botërore e Tregtisë, apo selia e Kryqit të Kuq.
Në ditët e fundit ka pasur disa të dhëna që kanë drejtuar vëmendjen e hetuesve në Svicër, posaçërisht në Gjenevë. Gjatë ditës së mërkurë është vënë rë shtimi i forcave të rendit nëpër stacionet e trenave që lidhen me Francë dhe Italinë, ndërsa gjatë ditës së enjte prania policore dhe ushatrake është vënë re edhe në rrugët e qytetit.
