Sfida personale e Mark Zuckerberg për vitin e ri po ushqen spekulimet se ai do t’i futet politikës. Shefi ekzekutiv i Facebook, që vitet e fundit ka hapur shumë sfida për veten e tij, si të mësuarit e gjuhës “mandarine”, tha se kishte si qëllim të vizitonte dhe të takonte njerëzit e çdo shteti në SHBA deri në fund të vitit 2017.
“Kam shpenzuar goxha kohë në shumë shtete deri tani, kështu që do të më duhet të vizitoj edhe rreth 30 shtete të tjera deri në fund të vitit për të plotësuar sfidën time,” shkruajti Zuckerberg në Facebook.
“Pas një viti të trazuar, shpresa ime për këtë sfidë është të lëviz nga vendi dhe të flas me sa më shumë njerëz e t’i pyes për mënyrën se si do të jetojnë, punojnë dhe mendojnë për të ardhmen”.
Duke shprehur sfidën e tij me një gjuhë të ngjashme si deklaratë, 32-vjeçari tha se vendi i tij ishte në një pikë kthese në historinë e saj.
“Për dekada me radhë, teknologjia dhe globalizimi na kanë bërë më të lidhur dhe më produktivë. Kjo ka krijuar më shumë benefite, por për shumë njerëz e ka bërë jetën akoma edhe më sfiduese,” shkruan ai.
“Kjo ka kontribuar në një ndjenjë më të madhe ndarjeje dhe ne duhet të gjejmë një mënyrë për t’i ndryshuar paksa gjërat” tha Zuckerberg.
