Zyrat e Agjencisë Kombëtare të Planifikimit të territorit u bë pre e një zjarrrvënieje të qëllimshme gjatë orëve të para të mëngjesit të sotëm, kur një person shpërndau një shishe benzine në katin e katërt të godinës dhe më pas i vuri flakën zyrave të arshivës.
Ngjarja u regjistrua rreth orës 03:05 minuta, kur zjarrfikësit u njoftuan për rastin. Menjëherë në drejtim të vendit të ngjarjes u nisën efektivët të zjarrfikësve që mundën të shuanin zjarrin.
Policia nisi hetimet për rastin dhe ka arrestuar dy rojet e godinës, Skënder Hysa 62 vjeç dhe Sokol Hamitaj 46 vjeç.
Ende nuk është i qartë motivi i zjarrvënies, ndërsa drejtues te Agjencisë nuk pranuan të japin më tepër detaje mbi dëmet, duke u mjaftuar me faktin se është djegur vetëm një zyrë.Klan
