Ministri i Brendshëm, Taulant Balla, është shprehur se Policia e Shtetit ka dyshime që zjarri në fushën e mbetjeve pranë inceneratorit të Elbasanit është i qëllimshëm.
Për këtë arsye ai ka kërkuar që policia të rrisë sigurinë dhe prezencën pranë landfilleve. Sakaq, ai thotë se ka kërkuar që policitë bashkiake të krijojnë shërbim 24 orë kontrolli.
“Kam urdhëruar Policinë e Shtetit të rrisë sigurinë pranë landfildëve – fushave të mbetjeve në të gjithë vendin. Kam kërkuar që edhe policitë bashkiake të krijojnë shërbim 24 orë kontrolli dhe shërbimet zjarrëfikëse të jenë pranë për të parandaluar çdo zjarrvënie. Policia e Shtetit ka dyshime që qoftë zjarri në Elbasan, qoftë tentativa në Fier janë të qëllimshme”, thotë ministri Balla.
Në ndihmë të zjarrikësve në Elbasan për të shuar flakët shkuan edhe efektivë të Forcave të Armatosura.
