Kreu i Urgjencës Kombëtare Skënder Brataj ka folur për mediat lidhur me zjarrin që përfshiu një qendër tregtare ditën e sotme në Lushnje.
Gjatë fjalës së tij, ai tha se në spital ndodhen 40 persona, mes tyre 3 janë fëmijë.
Brataj theksoi se kanë pasur probleme me asfiksinë nga tymi dhe asnjë pasojë tjetër.
“Është organizuar urgjenca me repartet e ndryshme në spital. 8 prej pacientëve janë personel zjarrfikës dhe 3 fëmijë, 2 e kanë lënë spitalin, njëri është në observim. Nuk ka djegie, s’ka pasur humbje të koshiencës. Nuk besoj që do ketë pasoja për pacientët në spital, nëse do ketë ekipet janë në gatishmëri. 2 fëmijë të moshës 14 vjeç, ai që ka qenë në ekspozim të tymit është rreth 7 vjeç dhe ndodhet ende në spital, megjithatë nuk ka kode të vështira”, u shpreh Brataj.
