Një tragjedi e vërtetë njerëzore ajo që po ndodh në Portugali, ku një zjarr masiv pyjor ka shkaktuar një katastrofë humane, ku deri më tani mësohet se numri i personave që kanë humbur jetën ka shkuar në 57 të tillë. Pjesa më e madhe e njerëzve mësohet se kanë humbur jetën në automjete ndërsa kanë qenë duke ikur nga zona Pedrogao Grande, 50 kilometra në juglindje të Coimbra, sipas autoriteteve vendore. Midis personave që kanë humbur jetën janë edhe disa zjarrfikës edhe një vajzë tetëvjeçare e cila u gjet me djegie të renda duke u endur e vetme pranë zjarrit.
“Fatkeqësisht, kjo duket të jetë tragjedia më e madhe që e kemi parë në vitet e fundit sa i përket zjarreve malore,” ka thënë kryeministri Antonio Costa.
Ai ka thënë se numri i përgjithshëm i të vdekurve mund të rritet përsëri.
Ende nuk dihet shkaktari i zjarrit, por Costa ka thënë se stuhitë me vetëtimë dhe bubullima mund ta kenë shkaktuar atë.
