Presidenti Joe Biden ka anuluar udhëtimin e planifikuar në Itali këtë javë, pas shpërthimit të zjarrit masiv në Los Angeles.
“Pas kthimit këtë mbrëmje nga Los Angelos, ku më herët sot ai ishte takuar me policinë, zjarrfikëset dhe personelin e urgjencës duke luftuar zjarret që shpërthyen në zonë dhe miratoi një deklaratën e shpalljes së gjendjes së emergjencës për Kaliforninë, Presidenti Biden mori vendimin për të anuluar udhëtimin e tij të ardhshëm në Itali, pasi mbetet i fokusuar në drejtimin e përgjigjes së plotë federale në ditët në vijim”, tha në një deklaratë sekretarja e shtypit e Shtëpisë së Bardhë, Karine Jean-Pierre.
7 vatra të nxitura nga era shpërthyen në të gjithë qarkun e Los Angeles , përfshirë edhe kodrat e Hollywood-it, sipas CNN.
Guvernatori i Kalifornisë, Gavin Newsom tha se prej mbrëmjes së mërkurës, kishte “pesë të vdekur, ndoshta më shumë”.
Biden ishte planifikuar të udhëtonte në Romë të enjten, ku Shtëpia e Bardhë tha më herët gjatë ditës se ai do të takohej me Papa Françeskun, kryeministrin italian Giorgia Meloni dhe presidentin italian Sergio Mattarella.
Gjatë udhëtimit, Biden kishte planifikuar “të diskutonte përpjekjet për të avancuar paqen në mbarë botën, duke përfshirë punën e Papa Françeskut për të lehtësuar vuajtjet për komunitetet e cenueshme”, u tha gazetarëve zëdhënësi i sigurisë kombëtare John Kirby gjatë një bisede virtuale të mërkurën.
Dhe në takimin e tij me liderët e Italisë, ai pritej të “theksonte marrëdhëniet e ngushta dhe të qëndrueshme dypalëshe”, tha Kirby, ndërsa falënderoi Melonin për udhëheqjen e saj si presidente e G7 dhe nënvizoi një marrëveshje të re që do të bëjë që G7 të disbursojë 50 miliardë dollarë kredi për Ukrainën.
Zonja e Parë pritej të udhëtonte me presidentin dhe të takohej me Drejtoreshën Ekzekutive të Programit Botëror të Ushqimit, Cindy McCain rreth një njoftimi të ri për rritjen e ndihmës humanitare për atë që Shtëpia e Bardhë thotë se “do të merret me shumë nga krizat më të këqija me të cilat përballet bota”.
Nuk është hera e parë që çështjet e brendshme e kanë detyruar presidentin të anulojë udhëtimet jashtë vendit. Në tetor, Biden shtyu një udhëtim të planifikuar në Gjermani dhe Angola pas uraganit Milton.
