Dhjetëra persona janë shpallur të zhdukur në Oregon pas zjarreve masive që kanë detyruar evakuimin e mbi 500 mijë personave.
Guvernatorja, Kate Brown, iu lut qytetarëve që të qëndrojnë larg zonave të përfshira nga flakët, pavarësisht raportimeve se shumë prej banesave të braktisura kanë rënë pre e grabitjeve.
Autoritetet paralajmërojnë se numri i viktimave do të jetë i lartë, ndërsa flasin për mijëra banesa të shkrumbuara. Deri më tani, 4 viktima janë konfirmuar në Oregon dhe 11 në shtete të tjera.
Të përhapura nga erërat e ngrohta e të thata, dhjetëra vatra po digjen rreth shtetit ndërsa autoritetet flasin për disa viktima, nga Kalifornia e Jugut në Uashington.
Në rang kombëtar, zjarret po djegin mbi 400 hektarë tokë çdo 30 sekonda, duke i dhënë qiejve një nuancë të kuqërremtë. /Opinion.al
