Një përplasje me armë ka ndodhur mesditën e së shtunës në Korinth, 70 kilometra në veri-perëndim të Athinës.
Mediat fqinje bëjnë me dije se përplasja ndodhi në kohën që një grup agjentësh të antikrimit grek, tentuan të ndalojnë një autoveturë në të cilën ndodheshin 4 persona, të dyshuar si grabitës bankash.
Burime nga policia bëjnë të ditur se njeri prej të dyshuarve qëlloi me armë kundër policisë, e cila u përgjigj me zjarr.
Mbas shkëmbimit të zjarrit që zgjati për gati 30 minuta, policia mundi të prangosë 3 shtetas shqiptare, dy prej të cilëve të plagosur ndërsa ende vazhdon operacioni për gjetjen dhe arrestimin e personit të katërt.
Personat në fjalë konsiderohen si kriminelë të rrezikshëm dhe ndaj tyre ka dënime nga gjykata por ishte e pa mundur deri tani arrestimi i tyre. Të dyshuarit kanë grabitur një bankë në zonën turistike Parga dhe një tjetër banke në Kalamata ndërsa dyshohet se ata janë autorë të një serie të gjatë veprash penale të rënda. /Opinion.al
