Kreu i Partisë së Lirisë, Ilir Meta, në një komunikim për mediat u ndal të rënia e euros, si edhe tek çmimi i naftës.
Ai tha se euro ka vlerën si në muajt e sezonit veror, ndërsa theksoi se mbahet në këtë nivel sepse interesi i qeverisë është të pastrojë paratë e pista.
“Një tjetër rrezik potencial për ekonominë tonë është zhvlerësimi i euros. Është në të njëjtat nivele si në korrik gusht kur kishim fluksin e turizmit. Mirë në gusht ishin turistët, po tani cili është interesi? Është interesi i qeverisë për pastrimin e parave të pista. E pësojnë bizneset fason dhe qytetarët që dërgojnë remitanca për familjarët e tyre”, tha Meta.
Meta u shpreh se euro tashmë është në nivele minimale duke thënë se gjithashtu se Shqipëria është vendi më i shtrenjtë në rajon dhe sipas tij çmimi i naftës është rritur.
“Shqiptarët vazhdojnë të paguajnë naftën me çmime të larta”, ka thënë Meta./Opinion.al
