Në Apelin e Gjykatës Kundër Korrupsionit dhe Krimit të Organizuar, u zhvillua procesi gjyqëson ndaj kopshtarit, Festim Bexhdili, lidhur me rrëmbimin dhe zhdukjen e Jan Prengës, në 17 janar 2020.
Avokati i Bexhdilit, Ilir Murati, ka kërkuar që të rishikojen pamjet filmike të kamerave të sigurisë.
Ai pretendon se klienti i tij, Bexhdili, nuk ka hipur në automjetin që ka rrëmbyer Prengës.
“Prokuroria e Posaçme ka bërë gabime gjatë këqyrjes së pamjeve filmike. I mbrojturi prej meje nuk është ngjitur në makinë, në 18:29 minuta është në këmbë, nuk është në makinën që do të trasportojë pengun me makinën tip Mercedes Vito që dyshohet se ka marrë pengun. Në orën 18:30 minuta, makina që do të transportojë pengun ndizet dhe bëhet gati të largohet por Bexhdili nuk ka hipur në atë makinë. I mbrojturi prej meje, e pranon që ka ndihmuar për të futur pengun Jan Prenga nga makina Range Rover tek makina tjetër, por nuk ka kryer veprime të tjera. Kërkojmë që në kuadër të ketij procesi te këqyren pamjet filmike të ngjarjes. Gjykata administron provat e dorëzuara nga mbrojtja, tabelat fotografike”, u shpreh avokati Murati para trupës gjykuese.
Prokurorët e Strukturës së Posaçme Kundër Korrupsionit dhe Krimit të Organizuar, shprehen se Festim Bexhdili e ka nxjerrë trupin nga makina dhe e ka mbështjellë me qese te zeza.
“Ne na rezulton që i pandehuri ka dal nga kompleksi dhe është rikthyer sërish në kompleks, ku ka vijuar më pas me veprimet e tjera”, shtojnë ata.
I dyshuari tjetër, Aldo Majnishta, është shoqëruar me urdhër të Gjykatës së posaçme të Apelit. Majnishta sakaq, është shprehur se nuk dëshiron të japë deklarime.
“Dua të përfitoj nga e drejta për të mos dhënë deklarime”, tha ai.
Sakaq, Dritan Rexhepi ka kërkuar të përfaqësohet nga avokatët dhe nuk ka ardhur në seancë. Mbrojta e Festim Bexhdilit, kërkon që ky i fundit të thirret për të dhënë shpjegime në Gjykatën e Posaçme të Apelit.
Apeli i GJKKO-së urdhëron që Dritan Rexhepi të shoqërohet me forcë në seancën e radhës.
Seanca e radhës do të mbahet ditën e nesërme në orën 09:00.
Kujtojmë se Fadil Bexhdili ishte dënuar me burg përjetë, por vendimi u prish nga Gjykata e Lartë dhe cështja u kthye për rigjykim. Në seancën e datës 28 maj, Prokuroria e Posaçme kundër Korrupsionit dhe Krimit të Organizuar pretendon se Bexhdili ka patur në përdorim një celular të enkriptur me programin EncroChat, por që nuk është zbërthyer. Bexhdili pretendon se nuk e ka përdorur këtë aplikacion
/tvklan
