Nga dita e sotme Shqipëria dhe Maqedonia e Veriut nisin programin e ri kufitar.
Këtë lajm e ka bërë të ditur kryeministri Edi Rama për mes një postimi në rrjete sociale, ku shkruan se kufiri mes Shqipërisë dhe Maqedonisë së Veriut po “zhbëhet” për të lehtësuar qarkullimin e njerëzve dhe mallrave me procedura më të thjeshta.
“Qafë Thanë – Hyn në fuqi programi i ri kufitar “Një ndalesë – Një kontroll”, duke “zhbërë” kufirin mes Shqipërisë dhe Maqedonisë së Veriut dhe lehtësuar qarkullimin e njerëzve dhe mallrave me procedura shumë të thjeshtuara”, shkruan Rama në facebook.
Rama së bashku me homologun e tij të Maqedonisë së Veriut, Dimitar Kovacevski kanë vizituar sot pikën kufitare të Qafë Thanës, nga ku po mbahet edhe një konferencë për media.
Kjo është një ndër nismat rajonale që lehtëson lëvizjen në Ballkan.
Maqedonia e Veriut dhe Shqipëria po punojnë për ndërtimin e korridorit 8 një veper që përfshin një autostradë, e cila do të zhvilloje më tej marrëdhëniet ekonomike mes dy vendeve./Opinion.al
