Në Partinë Socialiste këtë të shtunë janë duke u zhvilluar zgjedhjet për delegatët e kongresit. Votimi do të kryehet sipas parimit 1 anëtar 1 votë.
Procesi, i cili ka nisur që prej orës 08:00 të mëngjesit do të vijojë deri në orën 16:00, ku pritet që të votojnë 103 056 anëtarë të Partisë Socialiste në të gjithë vendin dhe do të zgjedhin mes 1 496 kandidaturave, 706 delegatët e Kongresit.
Është bërë e ditur se në vend janë 362 qendra votimi dhe gjithashtu 362 komisione që menaxhojnë zgjedhjet.
Për herë të parë në këto zgjedhje testohet votimi elektronik dhe online, i cili do të jetë për zgjedhësit e njësisë numër 8 në Tiranë./Opinion.al/
