Teksa opozita jashtëparlamentare akuzon mazhorancën për ngadalësimin e procesit të reformës zgjedhore, ka reaguar kryeministri Edi Rama.
Kryeministri u është përgjigjur me të njëjtën akuzë nga Kuvendi, sipas tij, opozita jashtëparlamentare është ajo që po zvarrit draftin për reformën zgjedhore.
“Ju dëgjova me vëmendje dhe nuk mund ti shmangem replikës edhe pse do të doja që në këtë moment mos shprehesha publikisht derisa ka një proces që është ende i papërfunduar si rezultat i zvarritjes që po i bën opozita jashtëparlamentare detajimit të marrëveshjes, që ju personalisht bashkë me tre të tjerët keni firmosur në selinë e një ambasade mike” tha Rama.
Kujtojmë që palët politike ende nuk kanë rënë dakord në lidhje me formulën e re të zgjedhjes së anëtarëce të KQZ. Deri më tani mazhoranca nuk ka pranuar asnjë propozim të opozitës për KQZ./ Opinion.al
