Kryeministri Rama i cili pritet të votojë sot në Surrel rreth orës 10:30, ka bërë këtë mëngjes thirrje për një process të qetë zgjedhor. Përmes një publikimi në Facebook, Rama u ka kërkuar qytetarëve që përtj partive dhe dasive, qytetarët të respektojnë Shqipërinë.
“Le ta tregojmë sot të gjithë së bashku, se përtej partive e dasive për ne është Shqipëria dhe le t’i shprehim bindjet e ndryshme me votë, por duke e respektuar Shqipërinë me mirësjellje shembullore ndaj njëri-tjetrit, në këtë ditë të shënuar të bashkëjetesës sonë demokratike, ku çdonjëri duhet ta gëzojë i patrazuar të drejtën e votës së lirë e të fshehtë, e prej ku Shqipëria duhet të dalë kryelartë për ne të gjithë”, shkruan Rama./Opinion.al
