Gara presidenciale në Kroaci është fituar nga kanditati i partisë Social Demokrate, Zoran Milanoviç.
Zoran Milanoviç do të jetë presidenti i ardhshëm i Kroacisë.
Mësohet se në raundin e fundit të zgjedhjeve ai fitoi me 52,7% të votave, ndërsa kundërshtarja e tij Kolinda Grabar-Kitaroviç, kandidate e qendrës së djathtë të Bashkimit Demokratik Kroat (HDZ) ka marrë 47.3% të votave.
Roli i presidentit në Kroaci është kryesisht ceremonial, pasi ai nuk mund të vendos veton lidhur me ligjet por ka ndikim në çështjet e politikës së jashtme, mbrojtjes dhe sigurisë.
Milanoviç ka qenë kryeministër nga viti 2011 deri në 2015 dhe fushatën e tij e zhvilloi me premtimin për të luftuar korrupsionin, për të cilin ai tha se ishte rritur që qëkur u largua nga pushteti./Opinion.al/
